قصة حب وقتلي

هذه قصة الفتها بشكل كومدي
واحد بحب بنت بعدين عرفو اخوتها
شوفو شو صار


شو هالطلي يا زين
ريتا تسلملي هالعين
امك مين وبيك مين
بالله ردي علي


شو هالقد الممشوق
قلبي والله محروق
كرمالك كل نهاري بالسوق
والنوم محرم علي


انتي والله مطلوبي
صرتي اكلي ومشروبي
نشا الله ما تكوني مخطوبي
لفرح امي وبيي


اني والله حباب
بس لو تعطيني جواب
اليلي مستني عند الباب
بس تشوفك عينيي


شو صاير لي ما بعرف
لما بشوفك قلبي بينقف
يا ربي دخلك تلطف
لكو جريي تحتيي


خربتيلي ايامي
صرت شوفك بمنامي
اني بسهر وانتي بتنامي
والحق كلو علي


هون عرفو اخوتها للصبية
وهاذي كمالت الخبريه


قديش اخوتك مساطيل
واحد عريض وطويل
والثاني قدو قد الفيل
والاثنين هجمو علي


علموني وربوني
احلى قتلي طعموني
فقرولي عيوني
والناس تضحك علي


نسينا موضوع الجازي
شغلي ما الها عازي
من الضرب خلص كازي
وزعلو امي وبيي


توبي والله ياربي
لما بشوفك بغير دربي
تضرب كلها هالمحبي
قصة صارت منسيي